Il-Kummissjoni Ambjent tal-Knisja qalet li hemm bzonn li l-kriterji biex jinghataw il-licenzji ghal-loghob tan-nar ikunu aktar iebsa u oggettivi. Il-Kummissjoni Ambjent tat ir-reazzjonijiet taghha ghar-rakkomandazzjonijiet tal-Kummissjoni Dwar il-Piroteknika li kienu ippublikati dan l-ahhar.
Il-Kummissjoni Ambjent ta’ l-Arcidjocesi ta’ Malta kienet diga bdiet diskussjoni pubblika dwar il-loghob tan-nar meta harget l-opinjoni taghha dwar il-festi u dwar l-impatt li jhallu fuq is-sahha u l-ambjent. Sostniet li filwaqt li dawn il-festi huma parti importanti mill-kultura Maltija, il-prezz li qed thallas is-socjeta’ ghal dan il-loghob tan-nar hu gholi wisq.
Il-Kummissjoni temmen li, bhal kull attivita’ perikoluza ohra, snin ta’ esperjenza ta’ zbalji fl-imghoddi u wkoll ta’ tragedji ghandhom iservu sabiex kull min hu involut jitharreg kif imiss, b’mod li ma jkunx hemm bzonn li jibqa’ jitghallem mill-izbalji tieghu stess. Il-Kummissjoni Ambjent qalet li taqbel mal-Kummissjoni Dwar il-Piroteknika li hu min ikollu l-licenzja li jahdem in-nar li ghandu jgorr ir-responsabbilita’ ta’ xogholu. Qalet li jehtieg li jinqabad kull min jonqos f’dawn id-dmirijiet qabel u mhux wara li tigri d-disgrazzja.
Il-Kummissjoni Ambjent sostniet li hu mehtieg m’huwiex biss is-supervizjoni kontinwa tal-kmamar tan-nar, izda li l-ufficjali li xogholhom hu li jinfurzaw il-ligi, ma jithallewx wehidhom meta jasal il-mument li jittiehdu passi kontra xi hadd. Enfasizzat ukoll li fl-ebda festa ma jista’ jinharaq nar wara l-hin stabbilit mil-ligi, u qalet li dan johrog b’rispett lejn morda, anzjani u nies ohra. Il-Kummissjoni Ambjent qalet li t-Taqsima tat-Tifi tan-Nar ghandha tibqa’ fuq il-post fejn ikun sar il-hruq tan-nar ghal mill-inqas tliet sighat wara l-ahhar sparatura.
Kompliet tghid li hemm bzonn li tkun studjata l-kwalita’ tal-kimika li qed tintuza ghax sostniet li r-ricetti tal-kompozizzjonijiet piroteknici huma l-perm ta’ l-industrija. Il-Kummissjoni Ambjent qalet ukoll li hemm bzonn li jkun hemm polza ta’ assigurazzjoni li tipprotegi lil terzi persuni. Sostniet li l-akbar problema li tezisti fl-industrija tal-loghob tan-nar hi li m’hijiex imsahha bizzejjed b’nies kwalifikati li jistghu jsahhu mhux biss il-kwalita’ tal-prodott li qed jaghmlu, imma li jghollu l-istandards tal-prattici tax-xoghol ghax huma infurmati u konxji tar-riskji.