Il-Management ta’ Mater Dei qed jimmina direttivi tal-Paramedic Aides

Minħabba direttivi li hemm fis-seħħ bħalissa mal-Paramedic Aides, il-UĦM b’responsabilta’ xorta waħda ħalliet lill-Paramedic Aides li jipproċessaw dmija kemm ta’ Emergenza u kif ukoll dik tal-Wards. Dawn id-dmija jiġu identifikati permezz ta’ labels apposta li jiddistingu test minn ieħor.

Iżda, reċentement il-management tat direzzjoni biex dawn il-labels importanti ma jibqgħux isiru. Dan ifisser li t-testijiet tad-dmija ma jistgħux jibqgħu jingħarfu wieħed minn ieħor. Dan huwa aġir li minbarra li hu rresponsabbli, jista’ wkoll jimmina saħħet il-pazjent.

Għaldaqstant, il-UĦM qed iżomm lil min ħa din id-deċiżjoni legalment responsabbli għal dmija li mhux se jiġu proċessati għax mhumiex identifikati kif suppost.