Matul l-istorja tiegħu l-poplu Malti wera l-ħila u r-rieda li jsawwar u jwettaq viżjoni li għamlitna wieħed mill-popli ż-żgħar li l-aktar irnexxew fid-dinja. Ispirat minn din il-fiduċja li għandu fil-poplu Malti, il-Gvern għażel seba’ oqsma li fihom hu fiduċjuż li sa l-2015 il-poplu kapaċi jikseb l-ogħla kwalità possibbli u jiddistingwi ruħu minn ħaddieħor.
Is-servizzi finanzjarji:
Dan is-settur kiber b’rata mgħaġġla, fejn mijiet ta’ kumpaniji barranin irreġistraw f’Malta u nħolqu eluf ta’ impiegi.
It-teknoloġija tal-informatika u l-komunikazzjoni (ICT):
SmartCity hija simbolu ta’ fejn irid jasal il-Gvern f’dan il-qasam. Proġett li se joħloq eluf ta’ impiegi, li l-maġġoranza tagħhom huma impiegi għall-Maltin kemm fis-settur tal-informatika, tal-media, kif ukoll fi snajja’ u ħiliet oħra.
It-turiżmu:
Sa l-2015, is-settur tat-turiżmu tagħna se jkollu sfidi ġodda quddiemu. Sa dak iż-żmien, ikun hemm destinazzjonijiet ġodda, prodotti ġodda, operaturi ġodda u fornituri ġodda ta’ servizzi turistiċi.
Is-settur tal-manifattura u s-servizzi marbuta magħha:
Il-Gvern jemmen li l-ħaddiema tagħna huma kapaċi jidħlu għall-isfida biex jagħmlu minn Malta ċentru reġjonali tal-ogħla kwalità f’ċerti oqsma tal-industrija li joffru mhux biss aktar impiegi iżda wkoll impiegi aħjar, li jrendu pagi ogħla.
Is-saħħa:
Billi jkompli jibni fuq servizz tal-ogħla kwalità li jista’ jkollu kwalunkwe pajjiż bis-saħħa tal-Isptar Mater Dei, il-Gvern qed joħloq il-bażi biex Malta ssir ċentru ta’ l-ogħla kwalità anke f’dan is-settur.
L-edukazzjoni u l-kultura:
Fuq il-bażi ta’ sistema edukattiva tassew inklussiva li qed tinbena għalina l-Maltin, nistgħu u għandna wkoll nibnu oqsma ta’ kwalità għolja, fejn nistgħu noffru spazji għat-tagħlim u għar-riċerka li jkunu fost l-aqwa għallinqas fir-reġjun tagħna.
Għawdex bħala Gżira Ekoloġika:
Għawdex huwa wkoll element essenzjali tal-Viżjoni 2015. Il-Gvern jemmen li f’Għawdex b’riżorsi umani ta’ kwalità, b’ambjent naturali, pajsaġġ u wirt kulturali uniċi, destinazzjoni turistika distinta, komunità li toffri servizzi soċjali u mediċi mill-aqwa, soċjetà fejn il-persuna u l-kwalità tal-ħajja huma fiċ-ċentru ta’ kull żvilupp.
2015 Vizjoni Socjali Ghalik (2015 People’s Social Vision)
Il-UHM wara li hadet kont tal-Vizjoni 2015 li nieda l-Gvern temmen li biex dawn l-oggettivi jkunu jistghu jintlahqu jinhtieg li din il-vizjoni tkun imsejjsa fuq principji u valuri socjali gusti. Il-UHM taghraf li l-ekonomija u t-tishih taghha huma strument importanti izda l-UHM tinsisti li kull decizjoni ekonomika jinhtieg li tittiehed biex taqdi u ssahhah id-dinjita’ tal-persuna mhux bil-maqlub.
Il-UHM tinnota li l-Vizjoni 2015 li nieda il-Gvern hi mibnija madwar success ekonomiku u finanzjarju nieqsa mill-bzonnijiet socjali tal-persuni individwali u kollettivi li flimkien jaghmlu poplu u gens. Il-poplu Malti maghruf ghall-bzulija tieghu. Poplu madanakollu li jinhtieg li jimxi ‘l quddiem b’pass wiehed flimkien. Il-biza’ li jinholqu faxex differenti fis-socjeta’ hi wahda rejali hekk kif certi mudelli ekonomici mhaddma f’ekonomiji kbar ma jpoggux il-persuni fic-centru tad-decizjonijiet ekonomici.
Ghax nemmnu li l-Vizjoni 2015 li nieda l-Gvern hi sajma minn vizjoni socjali l-UHM ser tidhol ghar-responsabilita` biex tara li l-gid miksub ikun wiehed imqassam b’mod gust u ekwu. L-eccellenza miksuba fl-oqsma li l-Gvern pogga sas-sena 2015 jinthieg li tikseb ukoll eccellenza f’oqsma li l-poplu jhoss u jmiss b’idejh kuljum b’esperjenzi fil-hajja tieghu. Il-gid ekonomiku u finanzjarju jinthieg li jinfirex u jitqassam b’gustizzja. Ma jistax ikun progress ekonomiku jekk id f’id ma jkunx hemm il-motivazzjoni u l-vizjoni socjali tal-poplu. F’dan id-dawl il-UHM ser tkun il-vuci tan-nies fil-hwienet tax-xoghol, fil-pjazzez, fil-kazin, fid-djar fejn in-nies titkellem u taqsam il-fehmiet taghha dwar diversi temi.
Illum qed inniedu 2015 Vizjoni Socjali Ghalik (2015 People’s Social Vision) li ghandha tikkumplimenta l-Vizjoni 2015 li fassal il-Gvern.
Is-sitt punti li fuqhom il-UHM ser tkun qed tfassal il-politika socjali taghha huma 1) ir-rivoluzzjoni elettronika; 2) is-sahha; 3) il-familja; 4) l-edukazzjoni; 5) kwalita’ ta’ hajja ahjar ghal kulhadd; u 6) strutturi istituzzjonali u demokratici.
Huma dawn it-temi li l-UHM matul ix-xhur li gejjin ser tkun qed titratta permezz ta’ focus groups li ghandhom ilestu x-xoghol taghhom fil-hin biex fl-44 Anniversarju tal-UHM, nhar 29 ta’ Settembru 2010 il-UHM trodd lura lis-socjeta’ l-hsibijiet taghha kif l-ahjar ikunu ndirizzati dawn l-oqsma.
Wara dak il-process jibda iehor fejn il-pubbliku ser ikun mistieden biex jaghti l-fehmiet u l-hsibijiet tieghu dwar 2015 Vizjoni Socjali Ghalik.
Il-qafas ta’ dan l-impenn ser ikun il-poplu u ghalhekk ser ikun mistieden biex jaghti l-kummenti tieghu kemm f’laqghat li ser ikunu organizatti ghal dan il-ghan filwaqt li kummenti ohra jistghu jintbghatu wkoll fuq email address apposta – 2015psv@uhm.org.mt .
Dan ix-xoghol ser ikun ikkoordinat minn Fr. Peter Serracino Inglott.
1) Ir-Rivoluzzjoni Elettronika
Fid-dinja zviluppata qeghda ssehh it-tieni rivoluzzjoni ndustrijali, dik li kienet il- “magna” fl-ewwel wahda, huwa l-kompjuter fit-tieni. Dan ifisser li l-haddiema llum ma jistghux ikunu nies bla sengha u ta’ ftit skola li xogholhom hu kwazi biss li jhaddmu u jindukraw il-magni, imma nies imharga ghal mal-mezzi l-godda tal-produzzjoni.
2) Is-Sahha
Is-sahha hi wahda mill-pilastri biex is-socjeta’ tkun wahda b’sahhita. Filwaqt li llum l-Isptar Mater Dei qed jaqdi funzjoni mill-aktar importanti, oqsma tal-kura primarja u kura priventiva jinhtieg li jimxu fit-triq biex jitjieb il-kwalita’ ta’ servizz billi jittiehdu mizuri biex jizdiedu s-servizzi ghall-pubbliku.
3) Il-familja
Is-sostenn tal-familja tradizzjonali jinhtieg li tkun aktar fic-centru tal-politika socjali biex tibqa’ holqa importanti fis-socjeta’ taghna. Ghal dan il-ghan il-familji ghandhom jinghataw incentivi fiskali u materjali biex jigu meghluba l-bosta diffikultajiet li jhabtu wicchom maghhom il-familji.
4) L-edukazzjoni
Ma jistax ikun hawn zvilupp veru ta’ pajjizna minghajr ma tinghata mportanza ewlenija lill-edukazzjoni. L-edukazzjoni mhix mehtiega biss fi zmien obligatorja imma tul il-hajja kollha tal-bniedem. Li naghrfu li dan huwa importanti sar mehtieg illum aktar minn qatt qabel. Illum tant l-izvilupp tax-xjenza u tat-teknika fl-informattika sar imghaggel li hadd ma jista’ jibqa’ kuntent b’dak li tghallem fi tfulitu jekk irid li kulhadd jaqsam mill-gid generat mill-pajjiz.
5) Kwalita’ ta’ hajja ahjar ghal kulhadd
Biex il-gustizzja socjali ssaltan fil-pajjiz, mhux bizzejjed li jkun hawn ligijiet li jassiguraw jeddijiet lic-cittadin li jinhtiegu l-ghajnuna finanzjarja jew materjali biex jitnehhew l-izvantaggi li jbatu minnhom xi uhud minna ghal ragunijiet naturali izda l-ghajnuna li tinghata tkun imfassla skond il-bzonnijiet differenti ta’ kull persuna li tehtieg, b’mod li ma tohnoqx il-kwalitajiet u l-hiliet li bniedem ghandu minn iehor.
6) Strutturi istituzzjonali u demokratici
Ma jkunx hawn demokrazija kompluta – igifieri l-poter ma jistax jinghad li huwa tassew f’idejn il-poplu – jekk anki min jirrapprezenta l-maggoranza tal-poplu jimponi r-rieda tieghu fuq kulhadd minghajr ma jaghti kaz tar-rieda tal-minoranzi zghar kemm huma zghar. L-istituzzjonijiet mahsuba biex jaghtu l-aqwa protezzjoni lic-cittadin jinhtieg li mhux biss jidhru li qed jahdmu izda effettivament ikunu ‘l boghod mill-kuriduri tal-poter.
Ufficcju Stampa
Union Haddiema Maghqudin
12 ta' Lulju 2010
www.uhm.org.mt