Press Release

It-Taqsima Haddiema mal-Gvern tal-Union Haddiema Maghqudin (UHM) qed tinsisti kontinwament mal-Ministeru tas-Sahha u mal-Management & Personnel Office (MPO) fi hdan l-Ufficcju tal-Prim Ministru sabiex jithaffef il-process ta’ ghazla ghal dawk li applikaw ghall-grad ta’ Social Assistant.

Fil-fatt l-applikazzjoni ghall-postijiet ta’ Social Assistant fi hdan il-Minsteru tas-Sahha u l-Kura ta’ l-Anzjani harget fi Frar 2010 u din l-applikazzjoni se taghti l-opportunita’ lill-part-time social assistants (PTSA’s) sabiex ikollhom impjieg full time fis-Servizz Pubbliku.

Din l-applikazzjoni inharget wara li l-UHM ilha diversi snin tinsisti sabiex dawn il-haddiema jkollhom kundizzjonijiet tax-xoghol ahjar. Fil-fatt snin ilu il-PTSA’s kienu Casual Social Assistants u kien bl-insistenza tal-UHM stess li saru part-time u b’hekk dawn il-haddiema dak iz-zmien kienu inghataw id-dritt ghal vacation leave u sick leave.

Fil-fatt, il-UHM qed tinsisti sabiex jigu mwaqqfa numru ta’ Bordijiet ta’ Ghazla flok Bord wiehed sabiex dan il-process ma jiehux fit-tul fid-dawl li ghal din l-applikazzjoni applikaw madwar 1,800 persuna.

Ghal darb’ohra, l-UHM hija strumentali sabiex dawn il-haddiema jkunu jistghu jsiru Ufficjali Pubblici full-time bid-drittijiet kollha bhal kumplament tal-Ufficjali Pubblici. Barra minn hekk, il-UHM ghamlet numru ta’ arrangamenti lis-serving officers sabiex igwadu minn kundizzjonijiet adekwati bhal mizuri favur il-familja.